آديم هيجاندير، آديم آذربايجاندير
آديم هيجاندير، آديم آذربايجاندير
آديم، تبريز ين دَميرآشيغينين پاسلي دوداغيندادير
مصلّيدا يانديريلان ساز چاناغيندا
ببك ده منم، بئيرك ده منم
قانلي بايراقلي بابك ده منم
ددهم قورقودون قوپوزلو ديلي
آديم تومروسون قانلي اليدير
آت اوستو ياشايان آتيلايام
دؤيوشده قاراقاشقا، قيرآت، بوزآتيلايام
دونياني ايكييه بؤلن بير اوخام
ياني؛ اوختايام
دَلي كورم، قالاباليغام
آرازام
ياني؛ قاراباليغام
گؤيده سس گلسه موسلوم ماقومايئوين گوموشو سسي
يئرده اوزئيير كوراوغلوسونون اوتوز يئدديسي
شاه ايسماييلين ساز قيلينجييام
مؤذّن عمينين آذان شارقيسي
بورلا خاتينام،
چيچهيم،
ياني، گؤيچهيم
بولبولون نغمهسييم
خانين سسييم
تاريخ منده نفس آليب وئرير
آزيغ ماغاراسيندا
توركون قيزيل كيتابييام
قاراباغ شيكستهسينده هاي- هاي آغلايان ديلسيز چنهيم
قوزو تك ملهين قاراباغام
قارا باختام
قورد تك اولايان چئچئنيستان
اورخون يازيلاري اللرينده گؤيهرن توركوستان
قار كيمي آيدينام
هاوا تك يايغين
تانرييام، يارادان منم، يارانيش منم، يارانميش منم
گونش رسولويام، آي ايمامييام، آينايام، آيسودايام
معجزهم قارماندير
و عشق ايلاههسي شاماندير
گوجوم دَده قورقوددور
بوز قورددور
چين ديوارلاري قورخوسوندان تيكيلن دؤيوشچو منم
قولدور آللاهلارين، قوتور شئيطانلارين، قودوق شاعيرلرين
يالانچي شاهنامهلرينده كي توركم
توي دويونلو تورانام
قارا دئو ده منم
قارا ائو ده منم
كوروش شاهين قاتيلييم، هله ده كي وار
اؤكوز روستمين ساققاليندان توخونموش
ياساق مفتيلي وار دوداغيمدا
دلي دومرولم ا ....ي
اوغوزدور بابام
- سني نئجه باشا ساليم
من افراسيابام
اَرگـَنهقوندان باشلانان يازام
و اشهدي قاراباغ شيكستهسينده
اوخونان نامازام
ياني؛ تبريز ده ناماز اوسته يانديريلان سازام
قوبانين آغ آلماسييام
موغانين اوزوم شارابي
اورالام، آلتايام، گؤي گؤلم
ياني ائل گؤلويم
اورمو گؤلونده عوثمان يومروغويام
عوصيان يومروغو
و تورك دونياسي كيمي بؤلؤك - بؤلوك بولونن
خزرم
تورك تاريخلي توپراغي آت اوستو گزهرم
دئديم كي ستارخانام، همن عوصيانام
صفرخانام، خان كندينده خانام، آغري داغيندا پاشا
سانجي درهسينده پئسيان
ائلاوغلويام- عموغلويام- كوراوغلويام....
چالاندا اوركئسترا \"وطناوغلو چوبان قارا\"، رشيد بهبوداووام
و شاققيلداياندا كلاشينكوفلا....... رشيد دوستومام
حيدربابادا سؤنوك وولقانام
سهلسونباطين، يئپريم!مانين، كاريك مليكيانين
جيلولارين، خوجالينين خييانت سندييم
ائرمني ديغالارينين جينايت سندي
بابكين قوللاريندا گؤيهريب، ستارخانين ديزلرينه سؤيكهنيب
پيشهورينين قافاسيندا چيچكلهنيرم
دورنا لـَلهيندن آي كورهسينه يوللانان ائپيك موغامام
اميرووون شورويام، عاليمين موغامي، بابكين اينامي
دلي دومرولون ياشامييلا ياشاميشام
قازانخانين قيلينجيلا قوشاميشام
كوراوغلونون دَليلرينه هايدي دئميشم
بوتون اينسانلارا بالام سؤيلهييب
قافقاز داغلاريندا آغلايان منم
كؤرپه بئشيكلريني نازلايان منم.
...آمما سادهيم
كئچل حمزهيه ده آلدانان منم
واقفين قوشمالاريندا ياللي گئتميشم
جاوادخانين قانلي كؤينهيينه «كلمه» دئميشم
بوتون كائيناتا حيات وئرميشم
بيرگون جان وئرميشم، بير گون ياشاميشام
دئمك سورگون ياشاميشام
رسولزادهنين غريب دوشونجهسييم
پيشهورينين جسارتي
قاس پيرالينين بوتونلوگويم
- «بن مملكتيمي سئوييوروم»
دئين ناظيم حيكمتين صبيرداشييام
ياني؛ ياشام يولداشي
(من بير جويز آغاجييام گولحانه پاركيندا
نه سن بونون فرقيندهسن نه پوليس فرقينده)
مني آشيق خانلارين آشيق علسگرين
توي هاوالاريندا آختار
مني آشيق وئيسَلين گؤز ياشلاريندا
آراز ائلسسين يومروقلاريندا
ماراغادان وارنايا سپهلهنن قيزيل آلمالاردا
شرفخانادان توركمن ليمانينا
دوزلاقلاردا الي قابارلي ايشچيلرين دوز چؤرگييم
مئيدانلاردا سيتيلدهين ايشسيزلرين چؤرك نيسگيلي
يئتيم كؤرپهلرين ياشام گوناهي
آختار تاپارسان!
چنگيز آيتماتووون الويداع رومانيندا
ياشار كامالين اينجه مَمَّديني
قوچاق نبيني
ميرزه جليلين كئفلي اسكندريني
داناباش كنديني
آختار «يانارداغ، يانار» آختار
مضطرين مرثيهسينده، معجزين آجي سؤيوشو
صابيرين سئوگي قوشو
ياني؛ مختومقولو، فضولينين ائكيز قارداشي
دئمك: «دَلي كور»و بايراق كيمي قالديرماق اولار
و صمد بهرنگه وطن بويدا مزار قازديرماق اولار
آرازي دا بو آراليقدان آزديرماق اولار
آراز آراز، خان آراز
ممّد آراز، ائلسس آراز
..................................
بير درديمي قان آراز
آختار تاپارسان!
آخي من شهيد حسينجاوانين
كؤرپه قيزينين ديدرگينلييييم
گؤزل سارايين گلينلييي
چالديران دؤيوشونون قارداش اؤلومو
دموكرات فداييلرينين آيريليق نيسگيلي
آيريليق ماهنيسييام
آيريليق كؤرپوسو
(من همن سيفالاسلامآم
عاشورا گونو داردان آسيلان ثقةالسلام
كربلا چؤلونده حسينين(ع) تورك دؤيوشچوسويم
آرژانتينده چهگووارا / توركوستاندا اميرتئيمور / ايستانبولدا فاتحم، انورپاشا / آنا دولودا آتاتورك / چئچئنده شاميل / هيندوستاندا گاندي/ ويتنامدا دؤيوشورم / كوبادا اؤلورم/ موغاندا ناديرشاهام / باكيدا ائلچيبَيم / اردبيلده شاه ايسماييل / تبريز ده ستارخانام، چؤهرهقانلييام / عرب چؤللرينده مالك اشترم / مظلوم خيابانييم، آخوندزادهيم.)
زنجان پيچاغيندان ايتي گولگون
حيدربابانين شهريارييام،
تومروس آنانين بختياري.
بير يومروق كيمي سيخيلميشام
و نيفرت ياغير گؤزلريمدن
ايمپرياليزمه قارشي، شوونيزمه قارشي، كمونيزمه قارشي
مَشدي عيباد تاماشاسينداكي حاققام!!!
آجي روشوهلرله آلينا بيللم
وطن- وطن- وطن دئين اوغوللارين آناسييام
پيشهوري فداييلرينين قاچقين بالاسي
و سئوديييم قيزلارين آغ آت رؤياسي...
گؤزلريمده خزر بويدا ائلچيبَيين مزاري وار
آلتاي داغلاري بويدا جؤهر دودايئف ياراسي
سهند بويدا سهند آغريسي،
و ساوالان بويدا چؤهره، قانليسي
بيرگون كؤپك لنينين استالين آدلي كوچويونه گولـلهلنميشم
بير گون قاتير داريوشون، قودوق قوامينا
فارسلارا، روسلارا، ائرمني ديغالارينا
جسد تپهلري قورموش كورد سيميتقو
20 يانوار ياراتميش قوتور گورباچف
21 آذر بويدا خييانت سندييم
25 مين مزارين جينايت سندي
21 آذر بويدا اعتراض سسي
اؤزگورلوك هَوَسي
استقلال آرزيسي!..
دونيا بويدا وطنم
گئجه ياتماغا يئريم يوخدور
دئمك غريبسهييرم اؤزوم- اؤزومده
آشيق قريبين غوربت ماهنيسييام
توفارقانلينين هيجران ياراسي
منه درد اولوب ناديرشاهين، نيظاميلرين، خاقانيلرين، اعتصاميلرين، لاپ بئله شهريارلارين اؤزگه هاواسي
يانيق كرمي هاواسيندا سويولان نسيمييم
شاققا- شاققا شاققالانان بابك
عرب حاكيملرينين قويون قوربانليغييام
روس ايمپرياسينين قوزو خورهيي
فارس جمهوريتينين دَده دوستاغي
آوروپانين ساري تيكاني.
نانكور اوغوللاريم دا وار،
باغيراوف، كسروي، ذكا
و يوز بئله- بئله اؤز قاپي كؤپكلريميز
ساتقين كوچوكلريميز.
تورك تورپاغي بويدا كورهيم
يئر كورهسي بويدا تورك...
وطن بويدا مزارام
و قاراباغ
و قاراباغ
و قاراباغ، جسديمدن قوپاريلميش
بير تيكه اتدير
غئيرتدير، جسارتدير.
( ............ قاراباغ
قارا طالع قارا باخت
جنته دؤنسم يئنه
ياددان چيخماز قاراباغ)
...- اوجال ائي قاراباغ شيكستهسي اوجال
اوجال ائي موغام هارايي
اعتراض سسي
سني ساتان اوغولجوقلار قارا باخت اولسون
- قويون راميزين شعيرلرينده ياشاييم،
كسمنلينين آغيلاريندا
قويون ماناس حيماسهسيني تيكرار ائتسين
آتيلا اورخان، ساهير- سحر
نئجه باغيرماسين باريشمانچو، آشيق سافايي
نئجه آغلاماسين جاواد خان هئيت
و نئجه پارتلاماسين اوريي تبريز ليعلينين
و نئجه شامانيزمه قنيم اولماسين گؤي تانري
نئجه ياشاسين توركمن باشي...
بو گون چين ديوارلارينين ديبيندن اويانيرام
و قيلينجيم آغ دنيزه اوزانير
اورخون داشلارينا، كركوكون نفتلي داغلارينا
تبريز ين ارك سارايينا، بَذ قالاسينا، قيزقالاسينا
بو منم كؤنول بويدا وطنم، من سنم، سن منم،
وطن آدلي تورك كورهسييم ...
ديليم، قاراباغ آتلارينين كيشنرتيسييله
قاراداغ قوردلارينين اولاما سسي
و خان شوشينسكينين قاراباغ شيكستهسينين،
اورتاق سسيدير.
عرب چؤللرينده بئرنو تك آچيلان كركوكام
فارس بؤيرونه سانجيلان قاشقاي
كورد آلنيندا چيبان سولدوز
يئر كورهسينده بير اولدوز
روس گؤزونده تير-كامانام
همي چئچنيستانام، همي داغيستانام
و دونقوز گؤزَتچيسي قابان كمونيستلره باش قوردام
بئش يوز ميليون دَلي توركه آنا يوردام
بير ميليارد دار باخيشلي چينليلره
فيشنگ بويدا سين گيانگام (شرقي توركوستان)
و آوروپا اوريينده قاه- قاه گولن ايستانبول...
... هر يازيلي تاريخلرين واراغيندا
گونش كيمي، هاوا كيمي، قورشون كيمي،
قوشون كيمي دولها-دولام
سو تك بولام
اووف ..... آه .... ائي قارداش ......
سان وئرديييم اؤگئيلرين،
بوغازيندا قالان بال بللهسييم
«نه اودا بيليرلر، نه آتا بيليرلر»
من تانريني كاشيلاريمدا گؤيرتميش گؤي مچيدم
بير كرپيج آرا مين دؤيوشچو اكميش اركم
بوسبوتون تاريخم
بوسبوتون توركم...
تورك منم، توركمنم
اؤزبهيم، باش قوردام
قيرخ قيزام، آنا دولويام، بوز قوردام
يانوارين ايگيرميسييم، آذرين ايگيرمي بيري
بهمنين ايگيرمي دوققوزو
ياني قريب بير قوزو
آديم آناجاندير
جان- جان دئينلره، جانيم جاندير
آديم هيجاندير، آديم آذربايجاندير